11-я міжнародная спецыялізаваная выстава «Хлебная і кандытарская справа-2015» паспяхова прайшла ў Мінску з 8 па 11 верасня, прадэманстраваўшы вялікую колькасць навінак сыравіны і інгрэдыентаў, абсталявання і інструментаў, упакоўкі і ўпаковачных матэрыялаў, хлебабулачных і кандытарскіх вырабаў, вынікаў навуковых даследаванняў, а таксама пацешыўшы шырокай праграмай дзелавых, адукацыйных і відовішчных мерапрыемстваў. У выставе прынялі ўдзел больш за 60 кампаній з 10 краін свету. Традыцыйна выстава прайшла з галіновым форумам «Упакоўка і склад».

Арганізатар гэтага прафесійнага форуму хлебапёкаў і кандытараў – ТАА «Экспохлеб» пры падтрымцы Міністэрства сельскай гаспадаркі і харчавання Рэспублікі Беларусь, Міністэрства гандлю Рэспублікі Беларусь, Міністэрства адукацыі Рэспублікі Беларусь, РУП "Навукова-практычны цэнтр Нацыянальнай акадэміі навук Беларусі па харчаванні", УА "Рэспубліканскі інстытут прафесійнай адукацыі", часопіса "Хлебапек" і іншых зацікаўленых.

Генеральным партнёрам выставы сёлета ўпершыню выступіў ААТ «ААБ Беларусбанк».

За гады свайго правядзення «Хлебная і кандытарская справа» са звычайнага выставачнага праекта перарасло ў пляцоўку для прафесійных зносін пекараў і кандытараў, даўшы спецыялістам, а таксама звычайным спажыўцам магчымасць атрымліваць поўную і наглядную інфармацыю па розных галіновых пытаннях, дэманструючы інавацыйныя тэхналогіі і найвышэйшы ўзровень прафесійнага майстэрства.

З мэтай папулярызацыі прафесій пекара і кандытара, устанаўлення эфектыўнага дыялогу паміж установамі адукацыі, якія рыхтуюць для галіны спецыялістаў і непасрэдна работадаўцамі, спецыяльна на выставачнай экспазіцыі была прадстаўлена «Лінейка каледжаў», дзе можна было падрабязна азнаёміцца матэрыяльна-тэхнічнай базай, праграмамі падрыхтоўкі і працамі навучэнцаў.