ЛІДЭРАЎ УБАРОЧНАЙ КАМПАНІІ ЎШЧАЛЬВАЛІ ВА УП «Агракамбінат «ЖДАНОВІЧЫ» МЕНСКАГА РАЁНА

Старшыня Федэрацыі прафсаюзаў Беларусі Міхаіл Орда павіншаваў перадавікоў жніва.

Кожны год нацыянальны прафцэнтр актыўна ўдзельнічае ў арганізацыі ўборачнай кампаніі краіны. Напярэдадні гарачай для аграрыяў пары тэхнічная інспекцыя працы ФПБ праводзіць маштабны маніторынг гатоўнасці сельгаспрадпрыемстваў да жніва, а падчас уборкі сочыць за выкананнем правіл аховы працы, арганізацыяй санітарна-бытавых умоў механізатараў, забеспячэннем іх гарачым харчаваннем і спецадзеннем. Акрамя таго, прафсаюзныя арганізацыі ўсіх узроўняў актыўна ўдзельнічаюць ва ўшаноўванні лепшых працаўнікоў гарачай пары.

Сёння старшыня Федэрацыі прафсаюзаў Міхаіл Арда і старшыня Рэспубліканскага камітэта Беларускага прафсаюза АПК Мікалай Лабушаў павіншавалі перадавікоў агракамбіната "Ждановічы", які знаходзіцца ў Мінскім раёне. Таксама ім уручылі падзячныя лісты і каштоўныя падарункі.

– У гэтым годзе ўборачная кампанія не самая простая. З-за надвор'я ў аграрыяў ёсць пэўныя цяжкасці. Пры гэтым хлеб для беларусаў заўжды меў вельмі важнае значэнне. Менавіта таму вяскоўцы працуюць з неверагоднай самааддачай – гэта бачна па выніках іх працы, – адзначыў у час наведвання гаспадаркі старшыня нацыянальнага прафцэнтра Міхаіл Орда.

У пацверджанне слоў лідэра ФПБ старшыня Рэспубліканскага камітэта Беларускага прафсаюза АПК Мікалай Лабушаў прывёў лічбы:

– Экіпажаў, якія намалацілі звыш 1 тысячы тон збожжа, у краіне ўжо больш за 50. Акрамя таго, ёсць такія механізатары, якія перавысілі 3-тысячную мяжу намалоту.

У агракамбінаце «Ждановічы» такіх паказчыкаў пакуль не дасягнулі – уборка збожжавых культур тут толькі пачалася. Аднак магчымасць атрымаць добры ўраджай у прадпрыемства ёсць.

– У нас працуюць вельмі моцныя механізатары, некаторым з іх у мінулыя сезоны ўдавалася намалаціць больш за 8 тысяч тон збожжа. Гэта абсалютны рэкорд па краіне, – адзначыў генеральны дырэктар Мінскага раённага унітарнага прадпрыемства «Ждановічы» Рыгор Чуйко. – На гэты момант мы поўнасцю прыбралі рапс, прычым з добрымі паказчыкамі. Цяпер працуем на палях збожжавых культур і ставім перад сабой задачу ўбраць вырашчаны ўраджай без істотных страт.